Utvikling og forvaltning av bygg og eigedom

Kvifor studere utvikling og forvaltning av eigedom?

Teknisk, juridisk og økonomisk kompetanse er etterspurd i eigedomsbransjen. Studerer du eigedomsutvikling vil du tileigne deg grunnleggande kompetanse om byggtekniske fag, arkitektur, landskapsforvaltning og miljøforvaltning. Du vil lære å forvalte og fornye eigedom på ein forsvarleg og ressurseffektiv måte. Du vil dermed spille ein viktig rolle i arbeidet for økt lønnsemd og samfunnsriktig utnytting av eigedom. 

Korleis er studiet bygd opp?

Studieprogrammet er utvikla i samarbeid med Norges Eiendomsakademi og kan gjennomførast på deltid kombinert med jobb. Studiet består av to enkeltemne på 15 studiepoeng kvar. Du kan velje om du vil ta eitt eller begge emna: 

• TAK801 Utvikling av eigedom: juridisk og økonomisk forvaltning (hausten 2025)
• TAK802 Teknisk forvaltning: Bygningsfysikk, FDVU og ombygging (våren 2025)

Kva lærer du?

TAK801 Utvikling av eigedom: juridisk og økonomisk forvaltning:

• Teori om kva eigedom er, eigedomsgrenser og informasjonssystemet for eigedom
• Lovsystemet rundt etablering og utbygging av eigedom
• Verdsetting av eigedom, erverv av eigedom og finansmatematikk
• Analysemetodar for eigedom med bruk av digitale tenester

Du finn meir infomasjon om emne i emneplanen for TAK801.

TAK802 Teknisk forvaltning: Bygningsfysikk, FDVU og ombygging:

• Fornying og forvaltning av eksisterande bygningsmasse
• Bygningsfysikk med teknisk tilstandsanalyse og val av fornyingsform
• Klimapåkjenningar i form av varmetransport, lufttransport, fukttransport og stråling

Du finn meir infomasjon om emne i emneplanen for TAK802.

Målgruppe

Studiet passar for deg som ønsker økt kompetanse innan utvikling og forvaltning av eigedom. Du kan gjerne ha:

• erfaring frå sal/mekling/utleie
• erfaring frå forvaltning eller utvikling av eigedom
• erfaring som eigedomsinvestor
• erfaring frå byggleiing/prosjektleiing