Energirådgjevar

Energirådgjevar er ei kort utdanning på 10 studiepoeng som har hovudtema bygningsfysikk og energiberekning i bygg. Utdanninga gjev innsikt i energiflyt og internlastar, og du får innsikt i dei ulike varme- og ventilasjonsprinsippa.

Med denne utdanninga kan du mellom anna utvikle planar for energirehabilitering basert på variablar som klima, geografi og åtferd/bruk

Kurset gjev deg kompetanse som energirådgjevar og du kan søke om oppføring i Enova sitt rådgjevarregister.

Studiet er identisk med eitt av emna i studieplanen til studiet Grønn omstilling i byggebransjen, ei ny utdanning på 60 studiepoeng. Studentar som har fullført bransjemodulen, får denne godkjent om dei seinare vil studere Grønn omstilling i byggebransjen.

Undervisninga er samlingsbasert med to digitale og ei fysisk samling.